ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

អង្គការសហប្រជាជាតិ ប្រកាសតែងតាំងបេសកជនពិសេសថ្មីប្រចាំប្រទេសមីយ៉ាន់ម៉ា

  • ចុះផ្សាយថ្ងៃទី២៦ ខែតុលា ឆ្នាំ២០២១ ម៉ោង ០៩:៣៩ នាទី ដោយ Mesa
  • 848
  Aa |   aA

អន្តរជាតិ៖ អគ្គលេខាធិការអង្គការសហប្រជាជាតិ លោក Antonio Guterres បានប្រកាសកាលពីថ្ងៃចន្ទម្សិលមិញនេះ អំពីការតែងតាំងអ្នកជំនាញសង្គមវិទ្យាសិង្ហបុរី លោកស្រី Noeleen Heyzer ជាបេសកជនពិសេសថ្មីប្រចាំប្រទេសមីយ៉ាន់ម៉ា។ លោកស្រី Noeleen Heyzer​ នឹងត្រូវជំនួសតំណែងលោកស្រី Christine Schraner Burgener ជាបេសកជនពិសេសជនជាតិស្វីសដែលបំពេញការងារនៅមីយ៉ាន់ម៉ាកន្លងមក។ 

លោកស្រី Heyzer បច្ចុប្បន្នមានវ័យ ៧៣ឆ្នាំធ្លាប់បំពេញតួនាទីក្នុងតំណែងជាន់ខ្ពស់ជាច្រើននៅអង្គការសហប្រជាជាតិ ជាពិសេសចន្លោះឆ្នាំ២០០៧ ដល់ឆ្នាំ២០១៤ ដែលរួមមានដូចជា ប្រធានគណៈកម្មការសេដ្ឋកិច្ច និងសង្គមសម្រាប់តំបន់អាស៊ី និងប៉ាស៊ីហ្វិក និងពីឆ្នាំ២០១៣ និងឆ្នាំ២០១៥ លោកស្រីត្រូវបានតែងតាំងជាទីប្រឹក្សាពិសេសរបស់ UN សម្រាប់ប្រទេសទីម័រខាងកើត។

ក្នុងអំឡុងការបំពេញតួនាទីជាប្រធានគណៈកម្មការសេដ្ឋកិច្ច និងសង្គមសម្រាប់តំបន់អាស៊ី និងប៉ាស៊ីហ្វិក លោកស្រី Noeleen Heyzer ធ្លាប់បានសហការយ៉ាងជិតស្និទជាមួយសមាគមអាស៊ាន ក៏ដូចជាអាជ្ញាធរនៃរដ្ឋាភិបាលមីយ៉ាន់ម៉ា ក្នុងការងារស្តារអភិវឌ្ឍន៍សេដ្ឋកិច្ច និងកាត់បន្ថយអត្រាភាពក្រីក្រនៅមីយ៉ាន់ម៉ា។ 

គួរបញ្ជាក់ថា ប្រទេសមីយ៉ាន់ម៉ាបានបិទបញ្ចប់នូវសករាជនៃលទ្ធិប្រជាធិបតេយ្យជាង ១០ឆ្នាំ ក្រោយការធ្វើរដ្ឋប្រហារយោធានៅថ្ងៃទី០១ ខែកុម្ភៈ ខណៈអង្គការសហប្រជាជាតិ និងអាស៊ានបានរួមគ្នាជំរុញឱ្យរដ្ឋាភិបាលយោធាចាប់ផ្តើមការសន្ទនានយោបាយឡើងវិញ និងដោះលែងមន្ត្រីស៊ីវិលដែលត្រូវបានចាប់ខ្លួនក្នុងអំឡុងពេលនៃការធ្វើរដ្ឋប្រហារ។

គួរឱ្យដឹងផងដែរថា លោកស្រី Christine Schraner Burgener ដែលចាកចេញពីតំណែងបេសកជនពិសេសរបស់ UN នៅមីយ៉ាន់ម៉ារយៈពេល ៣ឆ្នាំកន្លះនេះ លោកស្រីនឹងចូលរួមតួនាទីមួយជាមួយរដ្ឋាភិបាលស្វីសជំនួសវិញ ខណៈលោកស្រី Noeleen Heyzer ព្រមទាំងអនុរដ្ឋមន្រ្តីការបរទេសព្រុយណេ Erywan Yusof ដែលទើបត្រូវបានតែងតាំងជាទូតអាស៊ានកាលពីខែសីហាកន្លងទៅនេះ រំពឹងថានឹងអាចទៅកាន់មីយ៉ាន់ម៉ាដើម្បីជួបជាមួយជនស៊ីវិលមួយចំនួន ជាពិសេសអតីតមេដឹកនាំស៊ីវិល លោកស្រី Aung San Suu Kyi តែម្តង៕


លោក Antonio Guterres

លោកស្រី Christine Schraner Burgener

លោកស្រី Noeleen Heyzer

ព័ត៌មានជាច្រើនទៀតសម្រាប់អ្នក